MUPUS

Bambang Sinta Waka

Mupus

Dak selehake pengarep arepku
Nalika tembang tresna datan kapiyarsa
Dak buwang rasa kangen iki
Nalika kidung kapang wis ilang
Dak busek wewayanganmu
Seka padhoning netra
Nalika esemu wis tanpa gatra
Dak ulu sekabehing tatu lan lara
Murih santosaning jiwangga

*karonyruputkopi*

KELINGAN

KELINGAN
  Limbuk Sekaring Asih











Ing madya ratri wis padha ngimpi 
geneya aku kelingan lelakon kang wus kawuri 
nalika sliramu ngucapke janji 
sanggup angenteni 
dalan iki dak liwati maneh 
nanging wis seje rasane aku bingung kok dadi ngene 
jebul sliramu wis karo liyane 
remuk rasaning ati 
meruhi kahanan iki 
atiku kadya di jejuwing
aku nangis njempling njempling jroning batin
geneya sliramu ora eling karo piweling
sing dak gurit ing kacu kuning 

28072013

GEGURITAN :DYAH SEKARTADJI

NAWANG WULAN








T R E S N A

Dumadakan aku kepengin dadi lintang ing tawang
Ngegana
Ndedel akasa
Rerangkulan klayan rembulan
Nedya lelangen marang sunar kencana ing dhadhamu
Sing salawase iki
Ngrenggani wewengkon atiku
Lan ngujiwatake jejangka
Marang sagegem ukara
Tresna

Kotabumi, Madya ratri
DS

DYAH

Kembaraning karep
Saikine wus jangkep
Dene winih gurit sing nate gogrog ing atiku
Wis tuwuh ngrembaka
Mekar tumangkar nyulami cakepane gending semaya

Mula, Dyah
Esem manis pawewehmu wingi
Wis bisa nentremake ati
Nadyan ta langit laburan peteng
Nadyan ta pedhut memalang laku
Aku ora samar
Awit konang-konang wengi
Awit lintang-lintang siwi
Wis pindhah mapan ing netramu

Kotabumi, 01 mei 2013
Karipta dening : Tejo Wulan
Kanggo : Dyah Sekartadji

LAYUNG JINGGA

Layung jingga
Wiwit ngliga
Mungkasi gumelaring candhik lelayarane mega-mega
Nggiring angslupe bagaskara
Ing gigire cakrawala

Yen ta pucuke sore iki bisa crita, Yayi
Ana luh kang kutah
Ana ati sing bengkah
Rikala kapang ngundang baline jangkah
Saka tlatah samune pangumbaran

Ing pucuke sore iki
Dakronce pangrasaku ngenut lakune angin
Ngupaya lebur ana kandhutane mega
Sanadyan ta mung pengangen kang lana
Lan muspra ing sajroning pangentha-entha

Ya ben ta wengi iki sepi-sepi
Ya ben ta kapang iki nglinthing kalindhes katreme wengi

Kotabumi, Lingsir sore
DS

TEMBANG LAN KIDUNG

 Jinarwakake ing Bahasa Indonesia lan Inggris:

YEN ING TAWANG ANA LINTANG
KALAU DILANGIT ADA BINTANG


cantik,...
kalau dilangit ada bintang
aku menunggu kedatanganmu
kepada awan di angkasa, adikku
kutanyakan beritamu

cantik,...
aku ingat akan semua janji
terharu rasa dalam hati
bintang-gemintang berkedip dengan genit
cintaku melampaui batas langit

waktu itu
bintang menjadi saksi akan janjimu
mega dan bintang mengiringi perjalanan cinta kita

cantik,...
kalau dilangit ada bintang
dengarlah tangis dalam hati ini
teriring suara malam yang hening
menunggu terbitnya bulan
***

English Version:

IF THERE ARE STARS AT THE SKY

sweetheart
if there are stars at the sky
I am waiting for you
to the clouds at the sky, my darling
i ask how are you tonight?

sweetheart,
I remeber about all of you promises
my heart feel blue
the stars are glowing and flirting
my love pass beyond the sky

remember the time
when the stars became witness of your words
clouds and stars walked along with our love

my darling,
if there are stars at the sky
listen to my heart crying
and the rythm of a lonely night
waiting for the moon rise
***

GENDHING KEBOGIRO

Para kadang ingkang minulya, kula gadhah koleksi gendhing-gendhing kagem adicara temanten.
Menawi badhe ngersakaken sumangga kula aturi sesambetan lumantar tlpn 0812 7759 245
Formatipun MP3 lan VCD.Lintunipun upah ngrekam, CD lan ongkos kirim.

ngelingake nalika 23 tahun kawuri
aku lan sliramu sarimbit lumampahnya alon
gegandhengan kaya mimi lan mintuna
babut warna abang angambar sekar setaman
janji bakal nyawiji nganti kaken ninen
muga kabeh bakal dadi kasunyatan
aku lan sliramu bungah susah mecaki dina-dina
kebo-giro iki sarana pepeling
yen kita nate ninggal janji ***

MECAKI UDAN (YEN AKU KI AGENG SELA)

sesuk yen isih ana udan
tak sangoni payung apa caping
dimen ora nelesi rambutmu
udan angin gludug angampar
umpamane aku dadi Ki Ageng Sela
bakal tak buntel gludhug lan thathit

dimen lakumu tansah anteng
sinambi nembang lirih turut lurung
bocah angon bisa ngeyub ing gubug

sesuk yen isih ana udan
tak sangoni donga kalawan puji
ngiringi lakumu mecaki udan
agemen payung sing tak sangoni
aja ninggal kaprayitnan lunyuning lemah
gludhug lan thathhit wis tak cekel.
kaya Ki Ageng Sela

GURIT DALU SUCI

GURIT DALU SUCI
maymintaraga

metua njaba tumenga ing angkasa
ana lintang panjer wengi kang gaib
wus sinerat lan jinangka ing babad-babad kuna
wengi iki
bakal miyos sang ponang jabang bayi mijil kakung

kang paring kaslametan tuwin katentreman
sakindhenge jagad arcapada
sakabeh jalma bakal antuk patebusan

mara enggal sungkem manembah
mring Kang Murbeng Dumadi
mangayubagya bakal rawuhe pepadhang
sinareng manthering llintang panjer wengi
sang ponang jabang bayi nangis kekejer
anggeterake saklumahing bawana
kang miyos saka guwa garbane kenya suci ***