sesuk yen isih ana udan
tak sangoni payung apa caping
dimen ora nelesi rambutmu
udan angin gludug angampar
umpamane aku dadi Ki Ageng Sela
bakal tak buntel gludhug lan thathit
dimen lakumu tansah anteng
sinambi nembang lirih turut lurung
bocah angon bisa ngeyub ing gubug
sesuk yen isih ana udan
tak sangoni donga kalawan puji
ngiringi lakumu mecaki udan
agemen payung sing tak sangoni
aja ninggal kaprayitnan lunyuning lemah
gludhug lan thathhit wis tak cekel.
kaya Ki Ageng Sela
Langganan:
Posting Komentar (Atom)
Tidak ada komentar:
Posting Komentar